Մարդու ուղեղը կարող է ծերանալ սթրեսների պատճառով. 1in.am

Վերջերս գիտնականները եզրակացրել են, որ որքան շատ սթրես է ապրում մարդն իր կյանքի ընթացքում, այնքան արագ է ծերանում նրա գլխուղեղը: Այս մասին հայտնում է direct-press.ru-ն:

Ուղեղի բջիջների վրա սթրեսի ազդեցությունն ուսումնասիրելու համար հետազոտողները փորձեր են իրականացրել մկների վրա: Կենդանիների համար ստեղծել են սթրեսային իրավիճակներ: Փորձի արդյունքում գիտնականները պարզել են, որ կենդանիների ուղեղն ավելի քիչ նեյրոնային կապեր է ունեցել, որոնք պատասխանատու են օրգանիզմի կատարողական գործառույթների համար: Այդ պատճառով մկները դադարել են վերահսկել իրենց գործողությունները:

Այդ փորձը ցույց է տվել, թե ինչ քայքայիչ ազդեցություն ունի սթրեսն ուղեղի վրա՝ ոչնչացնելով նեյրոնային կապերն ու ակտիվացնելով տարիքային մուտացիաները: Հենց դա է հանգեցնում գլխուղեղի վաղաժամ ծերացման:

Հետազոտողները նաև միջոց են գտել, թե ինչպես արհեստականորեն դանդաղեցնել ծերացման գործընթացը: Ճարպերի բարձր պարունակությամբ հատուկ դիետան ուղեղին օգնում է դիմակայել տարիքային մուտացիաներին:

Հարցեր, պատասխաններ, մեկնաբանություններ